USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Apelyasiya məhkəməsi Tofiq Yaqublu ilə bağlı saxta hökmü qüvvədə saxladı
Tofiq Yaqublunun Apellyasiya Şikayəti Rədd Edildi.
Mayın 20-də Bakı Apellyasiya Məhkəməsində Milli Şuranın və Müsavat Partiyasının üzvü, hazırda həbsdə olan Tofiq Yaqublunun apellyasiya şikayətinə baxılıb. Məhkəmə prosesinə hakim Zamin İbrahimov sədrlik edib. Prosesin yekununda Yaqublunun apellyasiya şikayəti təmin edilməyib, Bakı Ağır Cinayətlər Məhkəməsinin martın 10-da çıxardığı 9 il azadlıqdan məhrumetmə hökmü qüvvədə saxlanılıb.
Məhkəmədən sonra əraziyə toplaşan insanlar polis tərəfindən dağıdılıb. Həmçinin, Azərbaycan Xalq Cəbhəsi Partiyasının (AXCP) sədri Əli Kərimli və digər siyasi fəalların proseslə bağlı jurnalistlərə müsahibə verməsinə imkan verilməyib.
Tofiq Yaqublu Cinayət Məcəlləsinin külli miqdarda ziyan vurmaqla dələduzluq və saxta sənəd hazırlama və ya istifadə etmə maddələri ilə təqsirli bilinib. Siyasətçi isə irəli sürülən ittihamları qurama adlandırır və siyasi motivli hesab edir.
Etiraz əlaməti olaraq Yaqublu aprelin 1-dən aclıq aksiyasına başlamış, səhhətinin pisləşməsi səbəbilə qızı Nigar Həzinin xahişi ilə mayın 10-da aksiyanı dayandırmışdı.
