USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Rüfət Səfərov barəsində həbs qətimkan tədbiri qüvvədə saxlanıldı
İyunun 30-da “Müdafiə Xətti” hüquq müdafiə təşkilatının həmtəsisçisi Rüfət Səfərovun işi üzrə Bakı Ağır Cinayətlər Məhkəməsində ilkin məhkəmə iclası keçirilib.
Məlumatı hüquq müdafiəçisinin yaxınları yayıb. İclas hakim Aygün Qurbanovanın sədrliyi ilə baş tutub.
Məhkəmədə əvvəlcə Rüfət Səfərovun anket məlumatları dəqiqləşdirilib. Daha sonra onun vəkili çıxış edərək, barəsində seçilmiş həbs qətimkan tədbirinin ev dustaqlığı ilə əvəz olunması barədə vəsatət qaldırıb. Lakin məhkəmə bu vəsatəti təmin etməyib.
Beləliklə, işin məhkəmə baxışı mərhələsinə keçməsi barədə qərar verilib.
Növbəti məhkəmə iclası iyulun 14-nə təyin olunub.
Qeyd edək ki, Rüfət Səfərov Azərbaycanın tanınmış hüquq müdafiəçilərindən biridir və o, əvvəllər prokurorluq orqanlarında da çalışıb. O, həmçinin vətəndaş cəmiyyəti fəalı kimi son illər bir sıra insan haqları pozuntuları ilə bağlı ictimaiyyət qarşısında çıxışlar edib. Səfərov barəsində irəli sürülən ittihamlar hüquq müdafiəçiləri və beynəlxalq təşkilatlar tərəfindən siyasi motivli hesab olunur.
