USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Almaniyada DAS təşkilatı və azərbaycanlı siyasi fəallar etiraz aksiyası keçirəcək
“DAS təşkilatı” -nın təşkilatçılığı ilə Almaniyada yaşayan bir qrup azərbaycanlı siyasi fəal 23 iyul 2025-ci il tarixində Nürnberq şəhərində Birləşmiş Millətlər Təşkilatının nümayəndəliyi qarşısında etiraz aksiyası keçirəcək. Aksiya saat 10:00-dan 12:00-dək davam edəcək.
Etirazçılar “Azərbaycanın siyasi həbs və repressiyalarına son” şüarı altında bir araya gələrək, ölkədəki insan hüquqları pozuntularına, xüsusilə də siyasi motivlərlə həbs olunan fəallara və müxalif düşüncəyə qarşı təzyiqlərə diqqət çəkməyi hədəfləyirlər.
Aksiya təşkilatçıları bildirirlər ki, məqsədləri beynəlxalq ictimaiyyətin diqqətini Azərbaycanda artmaqda olan repressiv tədbirlərə yönəltmək, siyasi məhbusların azad olunması və insan hüquqlarına hörmətin təmin olunmasını tələb etməkdir.
Etiraz aksiyası dinc xarakter daşıyacaq və orada çıxışların, şüarların səsləndirilməsi və petisiya təqdimatı da planlaşdırılıb.
DAS təşkilatı və iştirakçılar beynəlxalq insan haqları qurumlarını Azərbaycanda baş verənlərlə bağlı daha ciddi mövqe sərgiləməyə çağırırlar.
