USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Daha bir hüquq müdafiəçisi həbs edildi: Fikrət Cəfərliyə 4 ay azadlıqdan məhrumetmə cəzası verildi
Bu gün, iyulun 29-da Binəqədi Rayon Məhkəməsində hüquq müdafiəçisi, İşgəncələr Əleyhinə Araşdırma Mərkəzinin sədri Fikrət Cəfərlinin işi üzrə məhkəmə prosesi baş tutub. Məhkəmə prosesi hakim Zamiq Bağırovun sədrliyi ilə keçirilib.
Məhkəmənin qərarına əsasən, Fikrət Cəfərli 4 ay müddətinə azadlıqdan məhrum edilib. O, Cinayət Məcəlləsinin 147-ci (böhtan) maddəsi ilə təqsirli bilinib.
Fikrət Cəfərliyə qarşı xüsusi ittiham qaydasında iddianı Vəkillər Kollegiyasının İntizam Komissiyasının üzvü, vəkil Elvin Əliyev qaldırıb. O, hüquq müdafiəçisinin sosial şəbəkədə ona qarşı böhtan xarakterli ifadələr işlədiyini və bu səbəbdən işgüzar nüfuzuna zərər dəydiyini iddia edib.
Qeyd edək ki, Fikrət Cəfərli son dövrlərdə hüquq-mühafizə orqanları tərəfindən baş verən hüquq pozuntuları, xüsusilə də işgəncə hallarının ifşası ilə bağlı çıxışları ilə tanınırdı.
Bu həbslə bağlı yerli və beynəlxalq insan haqları təşkilatlarının hansı mövqe sərgiləyəcəyi isə hələlik bəlli deyil.
