USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İmamoğlunun məhkəməsindən görüntüləri yayan şəxslərlə bağlı araşdırma başladılıb
Bakırköy Baş Prokurorluğu Marmara Həbsxanasının məhkəmə zalında çəkildiyi iddia olunan görüntülərin sosial mediada yayılması ilə bağlı araşdırmaya başlayıb.
Prokurorluğun yaydığı məlumata görə, məhkəmə prosesi zamanı icazəsiz şəkildə səs və ya video çəkərək bunu sosial mediada paylaşan şəxslərlə bağlı Türkiyə Cinayət Məcəlləsinin 286-cı maddəsi üzrə istintaq başladılıb. Sözügedən maddə məhkəmə prosesində icazəsiz səs və ya görüntü qeydi aparılmasını qadağan edir.
Açıqlamada həmçinin bildirilib ki, görüntüləri çəkən və paylaşan şəxslərin kimliyinin müəyyən edilməsi üçün İstanbul Vilayət Polis İdarəsinin Kiber Cinayətlərə Qarşı Mübarizə Bölməsinə müvafiq tapşırıq verilib.
Hazırda sosial şəbəkələrdə yayılan görüntülərin kim tərəfindən çəkildiyi və necə yayılması ilə bağlı araşdırma davam edir.
