USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Nazirlər Kabineti: Azərbaycan–İran sərhədində yük avtomobillərinin hərəkəti dayandırılıb
Nazirlər Kabineti Azərbaycan–İran dövlət sərhədindən yük avtomobillərinin hərəkətinin dayandırılması ilə bağlı qərar qəbul edib.
Qurumdan bildirilib ki, martın 5-də Naxçıvan Muxtar Respublikası ərazisinə İran ərazisindən pilotsuz uçuş aparatları ilə hücumlar həyata keçirilib. Hücum zamanı Naxçıvan Beynəlxalq Hava Limanının terminal binası, məktəb və digər istiqamətlər hədəf alınıb.
Hadisə nəticəsində bir neçə mülki şəxs xəsarət alıb, hava limanının terminal binasına ziyan dəyib.
Mövcud vəziyyət nəzərə alınaraq və beynəlxalq hüququn norma və prinsiplərinə zidd olan bu hücumlara görə Azərbaycan–İran dövlət sərhədində bütün sərhəd-keçid məntəqələrindən yük avtomobillərinin, o cümlədən tranzit yüklərin hərəkətinin müvəqqəti olaraq tam dayandırılması barədə qərar qəbul edilib.
