Hüquq müdafiəçisi Fikrət Cəfərlinin növbəti məhkəmə prosesi iyulun 22-si saat 10:45-də Binəqədi Rayon Məhkəməsində hakim Zamiq Bağırovun sədrliyi ilə keçiriləcək. Proses açıqdır və hər kəsin iştirakına açıqdır.

Fikrət Cəfərli barəsində Azərbaycan Respublikası Cinayət Məcəlləsinin 147.1-ci (böhtan) maddəsi ilə xüsusi ittiham qaydasında cinayət işi başlanıb. Şikayət AR Vəkillər Kollegiyasının sədri və Məhkəmə-Hüquq Şurasının üzvü Anar Bağırovun müraciəti əsasında verilib və artıq Binəqədi Rayon Məhkəməsinin hakimi Zamiq Bağırov tərəfindən icraata götürülüb.

Məlumata görə, Anar Bağırovun bu prosesdə məqsədi təkcə hüquq müdafiəçisini sifarişlə həbs etdirmək deyil, həm də Avropa İnsan Hüquqları Məhkəməsinin 34116/15 saylı qərarına əsasən 30 dekabr 2021-ci ildə Ədliyyə Nazirliyi tərəfindən dövlət qeydiyyatına alınmış “İşgəncələr Əleyhinə Araşdırmalar Mərkəzi” insan haqları təşkilatının fəaliyyətini dayandırmaqdır.

Hüquq müdafiəçiləri və vətəndaş cəmiyyəti nümayəndələri bu işi söz və ifadə azadlığına qarşı yönəlmiş siyasi motivli təzyiq kimi qiymətləndirirlər.

Əlavə məlumat və iştirak üçün mərkəzlə bu nömrə vasitəsilə əlaqə saxlamaq mümkündür: 070 204 16 17.