USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Gəncədə 17 yaşlı yeniyetmə atasını qətlə yetirməkdə şübhəli bilinir
Martın 12-də Gəncə şəhərində qətl hadisəsi baş verib.
Məlumata görə, şəhərin Gülüstan qəsəbəsində yaşayan, Kəlbəcər rayon sakini 44 yaşlı Elçin Nağıyev odlu silahla öldürülüb. İlkin araşdırmalar hadisəni onun 17 yaşlı oğlu Kənan Nağıyevin törətməsi ehtimalını ortaya qoyub.
Hadisə ilə bağlı məlumatı Gəncə Şəhər Prokurorluğu yayıb. Bildirilib ki, aparılan ilkin araşdırmalar nəticəsində E.Nağıyevin yetkinlik yaşına çatmayan şəxs tərəfindən qəsdən öldürülməsinə əsaslı şübhələr müəyyən edilib.
Faktla bağlı **Azərbaycan Respublikasının Cinayət Məcəlləsi**nin 120.1-ci maddəsi (qəsdən adam öldürmə) ilə cinayət işi başlanıb. Polis əməkdaşlarının keçirdiyi əməliyyat tədbirləri nəticəsində atası Elçin Nağıyevi ona məxsus ov tüfəngi ilə öldürməkdə şübhəli bilinən K.Nağıyev saxlanılıb.
Hazırda hadisə ilə bağlı Gəncə şəhər prokurorluğunda araşdırma davam etdirilir.
