USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İrandan Türkiyəyə atılan raket zərərsizləşdirilib
İrandan buraxılaraq Türkiyənin hava məkanına daxil olan bir ballistik sursat məhv edilib.
Bu barədə məlumatı Türkiyə Milli Müdafiə Nazirliyi yayıb. Bildirilib ki, raket Şərqi Aralıq dənizində yerləşdirilmiş NATO-nun hava və raketdən müdafiə vasitələri tərəfindən zərərsizləşdirilib.
Nazirliyin açıqlamasına görə, sursatın bəzi qalıqları Qaziantep şəhərində boş ərazilərə düşüb. Hadisə nəticəsində ölən və ya yaralanan olmadığı bildirilib.
Açıqlamada vurğulanıb ki, Türkiyə yaxşı qonşuluq münasibətlərinə və regional sabitliyə böyük əhəmiyyət verir. Bununla yanaşı, ölkənin ərazisinə və hava məkanına yönələn hər hansı təhdidə qarşı bütün zəruri addımların qətiyyətlə atılacağı qeyd olunub.
Nazirlik həmçinin Türkiyənin bu istiqamətdə etdiyi xəbərdarlıqların nəzərə alınmasının hər kəsin maraqlarına uyğun olduğunu bildirib.
