USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Pezeşkian İlham Əliyevə zəng edib
Martın 8-də İran İslam Respublikasının Prezidenti Məsud Pezeşkian Azərbaycan Respublikasının Prezidenti **İlham Əliyev**ə telefonla zəng edib.
Telefon danışığı zamanı Pezeşkian dövlət başçısının İran İslam Respublikasının Ali Rəhbəri **Seyid Əli Xamenei**nin və bir sıra mülki şəxslərin həlak olması ilə əlaqədar İranın Azərbaycandakı səfirliyinə gələrək başsağlığı verməsinə, həmçinin İrana humanitar yardım göstərmək niyyətinə görə təşəkkürünü bildirib.
İran Prezidenti Naxçıvanın havadan atəşə tutulması ilə bağlı insidentin İranla əlaqəsi olmadığını qeyd edib və hadisənin araşdırılacağını vurğulayıb.
Prezident İlham Əliyev isə İranda baş vermiş son hadisələr nəticəsində çox sayda mülki şəxsin həlak olması ilə bağlı bir daha başsağlığını çatdırıb. Dövlət başçısı Naxçıvanda baş verən hadisənin hərtərəfli araşdırılmasının vacibliyini də qeyd edib.
Telefon söhbəti zamanı tərəflər iki ölkə arasında həyata keçirilən müştərək iqtisadi layihələrin inkişaf perspektivləri barədə də fikir mübadiləsi aparıblar.
