USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
MEDİA sosial şəbəkələrdə Azərbaycana qarşı dezinformasiyanı pislədi
Azərbaycan Respublikasının Medianın İnkişafı Agentliyi sosial şəbəkələrdə Azərbaycana qarşı sistemli şəkildə yayılan dezinformasiyalarla bağlı bəyanat yayıb.
Bəyanatda bildirilir ki, son dövrlər sosial şəbəkələrdə özünü “Qəzetçi” kimi təqdim edən səhifə tərəfindən Azərbaycanla bağlı sistemli şəkildə dezinformasiya xarakterli məlumatlar tirajlanır.
Qeyd olunub ki, ictimai rəydə çaşqınlıq yaradan və əsas məqsədi xaricdən ölkənin informasiya mühitini çirkləndirmək olan bu “resurs” guya 150 nəfər həkim və feldşerin hərbi səfərbərliyə cəlb edilərək İranla sərhəddə yerləşən Astara rayonu və Füzuli rayonu ərazilərinə göndərildiyi barədə həqiqətə uyğun olmayan məlumat yayıb.
Agentlik bu kimi informasiya təxribatlarını qəti şəkildə pislədiyini bildirərək vurğulayıb ki, belə pozuculuq fəaliyyəti hüquqi məsuliyyət yaradır.
Bəyanatda bütün media subyektləri, jurnalistlər və ictimai fəallar fəaliyyətlərində yalnız rəsmi mənbələrə istinad etməyə, cəmiyyətdə təşviş yarada biləcək paylaşımlardan çəkinməyə çağırılıb.
