Hər il 23 sentyabr Səudiyyə Ərəbistanı Krallığı özünün "Milli Günü" -nü qeyd edir. Azərbaycanla Krallıq arasında diplomatik əlaqələr 1992-ci ilin fevral ayının 24-də qurulmuşdur. 1999-cu ilin iyun ayından Səudiyyə Ərəbistanı Krallığının Səfirliyi Azərbaycanda fəaliyyətə başlayıb. 1994-cü ilin aprel ayından etibarən Səudiyyə Ərəbistanı Krallığında Azərbaycan Respublikasının Səfirliyi fəaliyyət göstərir. Unutmayaq ki, 1992-ci illərdə Azərbaycanın ən ağır durumunda Səudiyyə Ərəbistanı Krallığı Türkiyədən sonra ən çox Azərbaycana humanitar yardım göstərən ölkə olmuşdur.

18 yanvar 2008-ci ildə Azərbaycan Respubliaksının prezidenti İlham Əliyevin sərəncamı ilə Səudiyyə Ərəbistanı Krallığının Azərbaycandakı ilk səfiri Əli Həsən Əhməd Cəfər iki ölkə arasında döstluq və əməkdaşlıq əlaqələrinin inkişaf etdirilməsində xidmətlərinə görə "Şöhrət" ordeni ilə təltif olunub.

Bu gün də, dostluq və qardaşlıq əlaqələrini uğurla inkişaf etdirən Səudiyyə Ərəbistanı Krallığının Azərbaycandakı fövqəladə və səlahiyyətli səfiri Dr. Hamad bin Abdullah bin Xudeyr Krallıq və Azərbaycan arasında olan bütün münasıbətlərin ən yüksək zirvədə olması üçün çalışır.

Qeyd etmək lazımdır ki, Ermənistan tərəfindən ərazilərimiz və Dağlıq Qarabağ işğal olunduğuna görə Türkiyə, Pakistan və Səudiyyə Ərəbistanı Krallığı bu ölkə ilə heç bir diplomatik əlaqə qurmamışdır. Azərbaycana siyasi dəstək verən dövlətlər arasında Səudiyyə Ərəbistanı Krallığı ön sıralardadır.