Türkiyə Ermənistanın aşağı büdcəli aviaşirkəti "FlyOne Armenia" üçün hava məkanını bağlayıb. Bu barədə aviadaşıyıcının direktorlar şurasının rəhbəri Aram Ananyan yerli mediaya məlumat verib.
Onun sözlərinə görə, hazırda şirkətin reysində yubanmalar yaşanır. Bu səbəbdən də, 80-ə yaxın sərnişin Paris aeroportunda qalıb.
Qeyd edək ki, aviaşirkət səkkiz Avropa və Yaxın Şərq ölkəsindən 14 fərqli istiqamətə uçuşlar həyata keçirir və uçuşlar üçün Türkiyə hava məkanından istifadə edir.
“Türkiyə Ermənistanla münasibətlərin normallaşmasında səmimidir. Amma Ermənistanda “Nemezis” abidəsinin qoyulması qəbuledilməzdir”.
Bunu Türkiyənin xarici işlər naziri Mövlud Çavuşoğlu müsahibəsində deyib.
"Mən bunu qəbul edə bilmirəm. Buna cavab olaraq hava məkanımızı erməni təyyarələri üçün bağladıq. Görüş üçün Türkiyəyə yalnız Ermənistan parlamentinin sədri gələcək, istisna olmaqla, ona icazə vermişik. Davam etsələr, yeni addımlar atacağıq”, - nazir bildirib.