USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Rusiya-Ukrayna müharibəsində 9 300-dən çox Ukraynalı dinc sakin həyatını itirib
BMT-nin məlumatına görə, 2022-ci ilin fevralında bu yana davam edən Rusiya-Ukrayna müharibəsində 9 300-dən çox ukraynalı dinc sakin həlak olub, 16 600 nəfər yaralanıb.
Bu barədə BMT Baş katibinin sözçüsünün müavini Farhan Haq mətbuat konfransında deyib.
BMT rəsmisi çərşənbə axşamı Rusiyanın Ukraynaya qarşı bir gecədə ən azı 7 (daha sonra bu rəqəmin 9-a çatdığı açıqlanıb - red.) nəfərin ölümü və onlarla insanın yaralanması ilə nəticələnən aviazərbələri ilə bağlı BMT baş katibinin narahatlığını dilə gətirib: "BMT-nin Ukrayna üzrə humanitar koordinatoru Denis Braun bölgədə vəziyyətin hər keçən gün daha da ağırlaşdığını bildirib. Rusiyanın dünən Donetsk vilayətində yaşayış binalarına və digər mülki yerlərə endirdiyi son zərbələrin nəticəsində dinc sakinlər həlak olublar. Rusiyanın Ukraynada davam etdiriyi hücumlar beynəlxalq humanitar hüququ ciddi şəkildə pozulmasıdır".
Xatırladaq ki, Rusiyanın Ukraynanın Donetsk vilayətinin Pokrovsk şəhərinə avqustun 7-i axşam saatlarında həyata keçirdiyi raket hücumu nəticəsində ölənlərin sayı 9-a çatıb.
