Rusiya prezidenti Vladimir Putin oktyabrın 12-də Bişkekdə azərbaycanlı həmkarı İlham Əliyevlə danışıqlar zamanı Qarabağ ətrafındakı vəziyyəti müzakirə etməyi təklif edib. Bu barədə Kremlin mətbuat xidməti xəbər verir.

"Bir nömrəli məsələ Qarabağ ətrafındakı vəziyyətdir, amma bizim başqa gündəliyimiz də var, o, kifayət qədər genişdir. Söhbətimizi belə qurmağı təklif edirəm: o zaman bəlkə ikinci hissədən başlayaq ki, danışmaq imkanı olsun. həmkarlarımızla danışaq, sonra üz-üzə qalıb danışacağıq, bütün kompleksi, o cümlədən həssas məsələlər haqqında danışacağıq”, - Putin təklif edib.

Əliyev rusiyalı həmkarının təklifini dəstəkləyib. "Çox sevindiricidir ki, Qırğızıstana dövlət səfəriniz çərçivəsində görüşə vaxt tapdınız. Əslində, suallar çoxdur. Hesab edirəm ki, təklifiniz kifayət qədər əsaslıdır". O qeyd edib ki, o, nümayəndə heyətlərindən olan həmkarları ilə ikitərəfli gündəliyi müzakirə edəcək.

"Bundan başqa, bizim danışacağımız çox şey bar var. Bu ilin nəticələri təsir edicidir - ticarət dövriyyəsi, sənaye əməkdaşlığı, nəqliyyat sektorunda əməkdaşlıq baxımından çoxlu yeni layihələr var. Sonra regional və təhlükəsizlik məsələləri haqqında danışacağıq”, - deyə Əliyev əlavə edib.

Rusiya tərəfdən danışıqlarda xarici işlər naziri Sergey Lavrov, baş nazirin müavini Aleksey Overçuk, prezidentin köməkçisi Yuri Uşakov, İqtisadi İnkişaf Nazirliyinin rəhbəri Maksim Reşetnikov və Müdafiə Nazirlinin müavini Aleksandr Fomin iştirak ediblər. Azərbaycan nümayəndə heyətinə respublikanın baş nazirinin müavini Şahin Mustafayev, Azərbaycanın xarici işlər naziri Ceyhun Bayramov, prezidentin köməkçisi Hikmət Hacıyev, müdafiə naziri Zakir Həsənov və iqtisadiyyat naziri Mikayıl Cabbarov daxildir.