USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sərhəddə hərbi əməliyyatlar keçirilməsi ilə bağlı videolar yayan şəxs həbs edildi
Dövlət Təhlükəsizliyi Xidməti "TikTok" sosial şəbəkəsində Azərbaycanın dövlət sərhədində hərbi əməliyyatlar keçirilməsi ilə bağlı videolar yaymış bir vətəndaşı saxlayıb.
Qurum məlumat verir ki, 18 yaşlı Səməd Rüstəmov Azərbaycan Ordusuna məxsus hərbi texnikanın hərəkəti barədə videogörüntülər yayıb.
Məlumata görə, yayımlanmış videokadrların 27 fevral 2025-ci il tarixinə aiddir. Faktla əlaqədar cinayət işi başlanılıb.
DTX bildirir ki, Səməd Rüstəmov 2025-ci ilin fevralın 27-də Gədəbəydə Azərbaycan Silahlı Qüvvələrinə məxsus hərbi texnikanın hərəkətinin videoçəkilişini aparıb.
Daha sonra qanunla yayılması qadağan olunan bugörüntülər bu ilin mart ayının 15-də vətəndaşın şəxsi “TikTok” sosial şəbəkəsindəki səhifəsində paylaşılıb.
“Həmin videogörüntülərə sosial şəbəkələrdə fərqli dövrlərə aid videokadrlar əlavə edilməklə, həqiqəti əks etdirməyən müxtəlif xəbərlərin istinad mənbəyi olaraq nümayiş etdirildiyi müəyyən olunub”, məlumatda qeyd olunur.
