USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan və İran arasında akademik mübadilə razılaşması əldə olunub
Mayın 6-da Beynəlxalq Münasibətlərin Təhlili Mərkəzi (BMTM) ilə İran İslam Respublikasının Xarici İşlər Nazirliyinin Siyasi və Beynəlxalq Araşdırmalar Mərkəzi (IPIS) arasında Anlaşma Memorandumu imzalanıb. Sənəd BMTM-də keçirilən “Regional proseslər kontekstində Azərbaycan–İran münasibətləri” mövzusunda tədbir çərçivəsində gerçəkləşib.
Memorandum çərçivəsində BMTM və IPIS arasında qarşılıqlı faydalı əməkdaşlığa əsaslanan akademik mübadilə, elmi tədqiqatların təşkili və ortaq layihələrin icrası nəzərdə tutulur. Bu addım Azərbaycan və İran arasında elmi və strateji sahələrdə münasibətlərin inkişafına töhfə verməyi hədəfləyir.
Qeyd edək ki, bu günlərdə iki il əvvəl fəaliyyəti qismən məhdudlaşdırılan “Bank Melli İran”ın Bakı filialı da tam fəaliyyətini bərpa edib. Bu hadisə ikitərəfli münasibətlərdə müsbət dinamikanın davam etdiyini göstərir.
