Azərbaycan Respublikası Prezidentinin “Neft və qaz sənayesində idarəetmə mexanizmlərinin təkmilləşdirilməsi haqqında” 01.07.2009-cu il tarixli Sərəncamı ilə “Azəriqaz” QSC ARDNŞ-ın tabeçiliyinə verildikdən sonra yaradılmış birliyin idarə olunması işinin müasir tələblər səviyyəsində qurulması istiqamətində kompleks tədbirlərın işlənilərək həyata keçirilməsi barədə məlumatlar Əkbər Hacıyevin bu qurumun başına gətirildikdən sonra yayılmışdı.Qeyd edək ki, sözügedən şəxsin”Azəriqaz” İstehsalat Birliyinə sədr təyin olunanda əmək fəaliyyətinə 2004-cü ildə “Məişət Maye Qaz” Açıq Tipli Səhmdar Cəmiyyətində başladığı bildirilirdi. 2006-cı ilə qədər həmin cəmiyyətin sədri vəzifəsində çalışmış Əkbər Hacıyev sonra “Azərneftyağ” Neft Emalı Zavodunun direktoru vəzifəsində çalışıb.Neft-qaz sahəsində çalışdığı beş il ərzində bu qədər yüksəlmiş Əkbər Hacıyev sözügedən vəzifəyə təyinat aldıqdan sonra nələr baş verdi?

Ölkə başçısı İlham Əliyevin yuxarıda qeyd etdiyimiz məlum Sərəncamına əsasən 22 iyul 2009-cu il tarixdən Əkbər Hacıyevin rəhbərliyi altında qurumda islahatlara başlanıldı.Keçirilmiş bu islahatların tərkib hissəsi kmi ilk olaraq 2010-cu ildə Bakı şəhəri Qaz İstismarı İdarəsi ləğv edilərək rayon Qaz İstismar Sahələri və Abşeron rayon Qaz İstismar Sahəsi hüquqi şəxs statusuna malik olmayan təşkilatlar kimi “Azəriqaz” İB-nin birbaşa tabeliyinə verildi.Bir müddət sonra, 2015-ci ildə birliyin tabeliyində hüquqi şəxs statusuna malik olmayan sözügedən təşkilatlar, Abşeron, Binəqədi, Xətai, Xəzər, Qaradağ, Nərimanov, Nəsimi, Nizami, Sabunçu, Səbail, Suraxanı və Yasamal qaz istismarı sahələri yenidən təşkil edilərək, onların bazasında hüquqi şəxs statusuna malik olmayan Bakı Regional Qaz İstismarı Departamenti, Bakı Regional Qazın Satışı Departamenti və Qaz Ölçü Qurğularına Xidmət Departamenti yaradıldı. Aparılmış bu kimi dəyişikliklər “Azəriqaz”İstehsalat Birliyinin işinə bu müddət ərzində nə kimi təkan verdi,nə kimi yeniliklər gətirdi? Qeyd edək ki,Əkbər Hacıyev tərəfindən atılan bu addımlar,edilən bu dəyişikliklər birliyin idarəetmə mexanizminin təkmilləşdirilməsi və səmərəliliyin artırılması üçün nəzərdə tutulmuşdu.Amma…

Aktualinfo.org xatırladırladır ki,“Azəriqaz” İstehsalat Birliyinə 01.11.2019-cu ildə Əkbər Hacıyevin yerinə təyin olunmuş yeni Baş direktoru Ruslan Əliyevin cari il fevral ayının 20-də imzaladığı əmrlə “Azəriqaz” İstehsalat Birliyində yenidən struktur islahatlarına başlanılıb.Belə ki,Bakı Regional Qazın Satışı Departamenti,Bakı Regional Qaz Ölçü Qurğularına Xidmət Departamenti və Qaz Kəmərlərinə və Cihazlarına Texniki Xidmət sahəsi birləşdirilməklə onların bazasında Bakı Regional Qazın Satışı Depatamenti yenidən formalaşdırılıb.Diqqət verirsinizmi son 10 ildə “Azəriqaz” İstehsalat birliyində üç dəfə struktur dəyişikliyi baş verib.Bu dəyişikliklə Ruslan Əliyev əvvəlki baş direktorun apardığı islahatları şübhə altına alıb.Yəni Əkbər Hacıyevin apardığı islahatların heç bir effekti olmadığından Ruslan Əliyev yenidən islahatlar keçirməyə başlayıb.Maraqlı burasıdır ki,bu dəyişikliklərin hamısı abonent məmnuniyyətinin qazanılması,onlara göstərilən xidmətlərin keyfiyyətinin artırılması,şəffaflığın və operativliyin təmin olunması məqsədi ilə edilib və Azərbaycan Respublikasının Prezidentinin ölkədə apardığı islahatlara uyğun atılan addım donu geyindirilib.Sual oluna bilər.Hər yeni təyin olunan rəhbərin dövlət qurumunu islahat adı altında istədiyi kimi idarə etməsi nə dərəcədə qanunauyğun bir haldır?Maraqlıdır,Əkbər Hacıyevin yaratdığı sözügedən Departamentləri Ruslan Əliyev yenidən birləşdirəcəkdisə,nə üçün yaradılırdı? Bir neçə şöbəni ayırıb,sonra birləşdirməklə aparılan islahatların nə effekti ola bilər? Əslində isə burada islahat adı altında dövlət vəsaitləri talan edilib.Təkcə keçmiş sədr Əkbər Hacıyev tərəfindən yaradılmış Departamentlər üçün icarəyə götürülmüş inzibati binaların hər birinə son beş ildə on milyonlarla dövlət vəsaiti xərclənib.Sözügedən binaların kimlərə məxsus olduğunu isə ictimaiyyət də çox gözəl bilir.

Qeyd edək ki,Azəriqaz” İstehsalat Birliyi son 10 ildə apardığı bu kimi dəyişikliklərlə nə abonent məmnuniyyəti qazanıb,nə onlara göstərilən xidmətlərin keyfiyyətinin artırıb,nə də şəffaflığ və operativliy təmin edə bilməyib.

Bunu təsdiq etmək üçün zənnimizcə baş sındırmağa ehtiyac yoxdur.Sadəcə internet üzərindən, axtarış proqramları vasitəsi ilə sosial şəbəkələrdə və elektron Kütləvi İnformasiya Vasitələrində “Azəriqaz” İstehsalat Birliyinin fəaliyyəti barədə yayılmış məlumatlara nəzər yetirmək kifayət edir. Əhali tərəfindən elektron KİV-lərə olunan müraciətlərdə və sosial şəbəkələrdə vətəndaşlar tərəfindən yayılan şikayətlərdə bildirilir ki, “Azəriqaz” İstehsalat Birliyi paytaxt Bakı başda olmaqla ölkənin hər yerində abonentlərə,kiçik və orta sahibkarlara qarşı səlib yürüşünə çıxıb.Belə ki,qaz işçiləri obyektlərə baş çəkərək sahibkarlara böyük məbləğdə cərimələr yazirlar. Səbəb kimi guya saygaclara müdaxilə edildiyi göstərilir.Bir çox mətbuat orqanının apardığı araşdırmalar zamanı “Azəriqaz”ın son aylar bu tip hərəkətləri qurumda olan böyük korrupsiya olayını ört basdır etməyə, güya əhalinin qaz pulu verməmək üçün saygaclara müdaxlə etdiyini göstərməsi məlum olub.

Aktualinfo.org xatırladır ki,Neftçilərin Hüquqlarını Müdafiəsi İctimai Birliyi”-nin “Azəriqaz”da baş verən bu kimi maxinasiyalarla bağlı hesabatında da qurum tərəfindən “sayğac plombunun qırılması”adı altında əhaliyə qeyri qanunu cərimələr tədbiq olunduğu bildirilir.Belə ki,sözügedən hesabatda “Azəriqaz” tərəfindən təkcə 2018-ci ilin mart ayında Bakı və Abşeron rayonu üzrə 5400 abonentə “plombun qırılması” ilə əlaqədar cərimə yazıldığı göstərilıb. Aktların hamısında tərtib olunma tarixi isə 30.03.2018-ci il olub.Cərimənin ümumi miqdarı 26 milyon kub.m.qazdır. Hər abonentə yazılan cərimənin miqdarı isə 500- 350 manat civarındadır.Bu tip cərimələr ölkənin bütün rayonlarında (İtron tipli sayğaclarda) bu gün də davam etməkdədir.

Qeyd edək ki,Aktualinfo.org olaraq bu mövzuya bir neçə dəfə toxunmuşuq.Ötən illərdə Abşeron rayonunun bir çox qəsəbə və kəndlərinin sakinləri tərəfindən olunan şikayətləri bir neçə dəfə geniş ictimaiyyətin diqqətinə çatdırmışıq. Bu baxımdan vətəndaşlara yazılan qanunsuz borclar barədə məhkəmələrə olunan şikayətlərin statistikası aparılarsa çox məsələlər üzə çıxmış olar.Keçirilmiş bütün məhkəmə proseslərində vətəndaşların haqlı olduqları barədə qərarlar çıxarılıb.Bunula belə məhkəmə qərarı ilə silinməsi tələb olunan borclar əldə etdiyimiz son məlumatlara görə ya ölmüş abonentin adına keçirilir,ya da formal bir hesab açılaraq oraya köçürülür.Sonradan isə dövlətə verilən hesabatda vətəndaşların güya borclu olduğu göstərilir. Bunu abonentlərin saldosuna yazılan borclardan da aydın görmək mümükündür.Təqdim etdiyimiz bu saldoların aidiyyatı qurumlar,Hesablama Palatası,Korrupsiyaya Qarşı Mübarizə Baş İdarəsi tərəfindən araşdırılımasını xahiş edirik.Burada vətəndaşlara qanunsuz olaraq yazılan borclar barədə çox məlumatlar var.