USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Azərbaycan nümayəndə heyəti Gürcüstanda II İlyanın dəfn mərasimində iştirak edib
Gürcüstanda Bütün Gürcüstanın Katalikos-Patriarxı II İlya həzrətlərinin dəfn mərasimi keçirilib. Mərasimdə Azərbaycan Respublikasının Milli Məclisinin sədri Sahibə Qafarova başda olmaqla nümayəndə heyəti iştirak edib.
Milli Məclisin Mətbuat və ictimaiyyətlə əlaqələr şöbəsindən verilən məlumata görə, martın 22-də səhər saatlarında Tbilisi şəhərində yerləşən Müqəddəs Üçlük Kafedralında keçirilən vida mərasimində Azərbaycan nümayəndə heyəti Gürcüstan xalqına Azərbaycan xalqının dərin hüzn və ehtiramını çatdırıb.
Tədbirdə Ekumenik Patriarx, Gürcüstan Prezidenti, Parlamentin sədri, Baş nazir və “Gürcü Arzusu”nun fəxri sədri çıxış edərək mərhum patriarxın xidmətlərini yüksək qiymətləndiriblər.
Vida mərasimindən sonra patriarxın cənazəsi Sioni Kafedralına doğru xüsusi ehtiramla yola salınıb. Ölkə üzrə bütün kilsələrdə dəfn zəngləri çalınıb, yüz minlərlə insan küçələrə çıxaraq II İlyaya son ehtiramlarını bildirib.
Azərbaycan nümayəndə heyətinin tərkibində Qafqaz Müsəlmanları İdarəsinin sədri, Bütün Qafqazın Şeyxi Allahşükür Paşazadə, Baş nazirin müavini Samir Şərifov və Milli Məclisin bir qrup deputatı yer alıb.
Səfər çərçivəsində nümayəndə heyətinin Gürcüstan rəsmiləri ilə bir sıra görüşlər keçirməsi də gözlənilir.
