USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Rusiya ordusu martın 24-nə keçən gecə Ukraynanın bir sıra bölgələrinə kütləvi hava zərbələri endirib.
Paytaxt Kiyevdə gecə saatlarında partlayış səsləri eşidilib, hava hücumundan müdafiə sistemləri işə düşüb. Hücum zamanı dronlar, ballistik və qanadlı raketlərdən istifadə edildiyi bildirilir.
Zaporojye şəhərinə 6 dron və 5 raketlə zərbə endirilib. Nəticədə 20 çoxmərtəbəli bina, fərdi evlər və yanacaqdoldurma məntəqəsi zədələnib. Hadisə zamanı 1 nəfər həlak olub, 9 nəfər yaralanıb.
Poltavada endirilən zərbələr nəticəsində hotel və yaşayış evlərinə ziyan dəyib. Böyük yanğınlar baş verib, qatarların hərəkətində gecikmələr yaranıb. 2 nəfər ölüb, 11 nəfər xəsarət alıb.
Xarkov vilayətində dron şəhərətrafı qatar vaqonuna düşüb. Nəticədə 61 yaşlı sərnişin həyatını itirib.
Xerson şəhərinin mərkəzi də atəşə tutulub. Fərdi evlər və qarajlar dağılıb. Dağıntılar altında qalan 1 nəfər ölüb, 2 nəfər yaralanıb.
Sumı və İvano-Frankovsk vilayətlərində də partlayış səslərinin eşidildiyi bildirilir.
