USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Tehrandakı səfirliyimizə hücum edən şəxsin edamına hazırlıqlar tamamlandı
İranın paytaxtı Tehranda yerləşən Azərbaycan Respublikasının səfirliyinə qarşı törədilmiş silahlı hücumun icraçısına qarşı çıxarılmış qisas (edam) hökmünün icrası üçün bütün zəruri hazırlıqlar tamamlanıb. Bu barədə İran İslam Respublikasının Ədliyyə Orqanı rəsmi məlumat yayıb.
Açıqlamada bildirilir ki, səfirliyə hücum hadisəsi dərhal araşdırılıb, müvafiq cinayət işi açılıb və hüquqi prosedurlar sürətlə həyata keçirilib. Nəticədə məhkəmə tərəfindən təqsirkar şəxsə qisas cəzası — edam hökmü verilib.
Ədliyyə nümayəndələrinin açıqlamasına görə, məhkəmə prosesi zamanı hadisə nəticəsində həlak olan şəxsin və onun ailəsinin hüquqları diqqətlə qorunub, onların haqlı tələbləri nəzərə alınıb.
Bundan əlavə, İran tərəfi Azərbaycan səfirliyinin təhlükəsizliyinin təmin olunması istiqamətində əlavə tədbirlər gördüyünü və belə hadisələrin təkrarlanmaması üçün zəruri addımlar atıldığını bildirib.
