Çingiz Sultansoy

Firəngiz xanımı ekranda-efirdə yox, həyatda ilk və son dəfə 1992-nin payızında, tanınmış şair, o vaxt AzTV-nin sədri olan Məmməd İsmayılın doğum günü ziyafətində gördüm.

Firəngiz xanımla adını-yerini unutduğum, amma mərkəzdə olan restoranda masa arxasında yan-yana düşmüşdük. O tək deyildi, təbii, sevdiyim John Qolsuorsi demişkən, belə qadınlar tək olmur, ola bilməz. Solunda həyat yoldaşı, ya dostu oturmuşdu, sağında mən, arxamız zala. Cütlüyü salamladım, "Firəngiz xanım, sizi görməyimə şadam” dedim.

"Bəxt üzüyü” filmi bir-iki ildi ekrana çıxmışdı, o saat da populyar olmuşdu, Firəngiz də orda parlamışdı... Yoldaşı ona qulluq edirdi, boşqabına salat çəkirdi, mənə "O salat qabını verə bilərsiniz?” - dedi. "Özüm çəkərəm”.

Firəngiz Rəhimbəyova məndən rus dilində:

- Məmməd İsmayılı haradan tanıyırsınız? - soruşdu.

- AzTV əməkdaşıyam, “Gənclik” jurnalında da Məmməd müəllimlə işləmişəm. Bəs siz hardan?

Məlum oldu ki, sözlərinə yazılmış mahnını oxuyub.

O vaxt Firəngizin 30-31 yaşı olardı, mən bilmirdim, təbii. Sadəcə gözəl və məlahətli qadın, istedadlı və tanınan aktrisa və müğənni, populyar "Bəxt üzüyünün” parlaq və seksi personajı, şöhrətinin zirvəsində idi, məncə.

Musiqi çalınırdı, başım yeməyə, bir də sağ tərəfimdəki dost-tanışlarla söhbətə qarışmışdı, bu məqamda qulağım qəribə mübahisə sözləri, intonasiyası çaldı. Firəngizlə yoldaşı mübahisə edirdilər, belə anladım ki, Firəngiz rəqs etmək istəyir, yoldaşı isə qoymur…

Daha geniş məlumatı buradan oxuya bilərsiz