Ermənistanın diaspor işləri üzrə rəhbəri Zare Sinanyan Fransaya işgüzar səfərə gedəcək. Erməni mətbuatı yazır ki, bu barədə hökumətin saytında baş nazir Nikol Paşinyanın qərarı dərc olunub. Sinanyan fevralın 8-dən 19-dək Fransada olacaq, Paris, Lion, Marsel, Nitsa şəhərlərinin erməni icmaları və işgüzar dairələrinin nümayəndələri ilə görüşlər keçirəcək. O, Fransa erməniləri ilə əməkdaşlıq imkanlarını müzakirə edəcək. Sinanyan və onun aparatının əməkdaşı Amaliya Karapetyanın bütün xərcləri hökumət tərəfindən qarşılanacaq və qayıtdıqdan sonra üç gün ərzində müfəssəl hesabat təqdim etməlidirlər. Qeyd edək ki, Sinanyanın sonuncu işgüzar səfəri ötən ilin noyabrında olub. Daha sonra Rusiyaya səfər edib, Moskva, Tver, Sankt-Peterburq və Perm icmalarının nümayəndələri ilə görüşlər keçirib.