Bir neçə gündür sosial şəbəkələri dağıdan Səfər Mehdiyevin polislə olan dialoqu gündəmi zəbt edib. Belə bir məlumat yayıldı ki, Generalı saxlayan polis əməkdaşları işdən çıxarılaraq sərəncama göndərilib. Daha sonra DİN rəsmisi məlumatı təkzib etdi.

Şərəfli Azərbaycan Polisinə "şərəfsiz" deyən bir General niyə cəzalandırılmır?

DYP əməkdaşı dövlətin ona verdiyi şərəfli polis vəzifəsindən irəli gələn qanuni işini görmüşdü. Polis dövlət adından Generalı saxlamışdı. Polisin bütün Nazir və Deputatları, Hakim və Prokurorları saxlamaq səlahiyyəti var.

Vəzifəsindən asılı olmayaraq hər kəs şərəfli polis adını daşıyan dövlət qulluqçularına tabe olmalı, onun qanuni tələblərinə tabe olmalıdır. Amma General adından istifadə edənlər nəinki polisə, dövlətə, qanuna tabe olur, hətta polisə hücum edərək az qala onu döyməyə hazırlaşır. Əminəm ki, polis əməkdaşının əlindəki kameranı General görməsəydi polisə əl qaldırdı.

Mən Daxili İşlər Nazirinə müraciət edərək tələb edirəm ki, şərəfli polis adına dil uzadan hər kəs qanun qarşısında cəzalanmalıdır. Necə ki Xaçmazdan təyin olunan deputat Eldəniz S. öz layiqli cəzasına çatdırıldı.

Bu gün haqq sözə görə siyasi partiya sədri Əli Əliyevə şər atanlar güya onların şərəf və ləyaqətləri təhqir olunduqlarına görə Hakimdən ədalətsiz qərarı tələb edirlər.

Qoy həmin polis əməkdaşları da, ölkənin şərəf və ləyaqətini təmsil edən şərəfli Azərbaycan polisi adı naminə dövlətin hüquq və mühafizə orqanına dil uzadanların cəzalandırılması üçün müraciət etsinlər.