"Uşaq xəstə deyil" deyən həkimi işdən çıxardılar.

Dəhşətli durumdur. Hər hansı siyasi tələb olmadan belə, bir uşaq səviyyəsində uşaq evi rəhbərinin korrupsiya əməli ifşa olunur, ancaq, onu qınamaq, məsuliyyətə cəlb etmək əvəzinə, bütün sistem günahkarı qoruyur. Elə bil yemək istəyən uşaq hakimiyyətə qarşı yönəlmiş siyasi tələb irəli sürüb.

Uşaq evi rəhbərinin dəlixanaya saldırdığı Məhəmməd haqqında Psixiatriya Xəstəxanasının baş həkimi Ağahəsən Rəsulov "bu uşaq xəstə deyil" deməsinə görə, işdən çıxarılıb. Sanki, Məhəmməd azad seçki tələb etmişdi və buna görə də şərlənib məhkəmə qarşısına çıxarıldığı üçün, ona bəraət hökmü çıxaran hakim rejiminn qəzəbinə gəlib.

Bu ki, siyasət deyil, bu ən adi insanlıq məsələsidir. Yetimlərin, kimsəsizlərin adi bir qarın normal yemək istəməsidir. Bunudamı dilə gətirmək, istəmək olmaz, buna görədəmi haqqını istəyən uşaq barədə həqiqəti dediyi üçün adamı işdən çıxararlar? Yəni bu qədərmi? Bu, ölkədə korrupsiyanın dövlət siyasəti olması, ərzaqı kəsilən, tikəsi oğurlanan yetimlərin payına yuxarıların da şərik olması deyil bəs nədir?