Almaniyada mühacir həyatı yaşayan siyasi fəalları birləştirən DAS təşkilatı növbəti aksiyasını keçirib. Aksiya Berlin şəhərində “Sərhədsiz reportyorlar təşkilatı” -nın ofisi önündə və Azərbaycan səfirliyi qarşısında keçirilib. Təşkilatın sədri Rafiq Təmrazovun verdiyi məlumata əsasən aksiyanın məqsədi son günlər müstəqil jurnalistlərin qanunsuz həbsləri, eləcə də ictimai və siyasi fəalların şərlənərək saxlanılmasına etiraz edərək dünya ictimaiyyətinin diqqətini Azərbaycana çəkməkdir.
Aksiya iştirakçıları həbs olunan jurnalistlərin və siyası fəalların azadlığını təlıb ediblər.
Bu haqqda saytımıza məlumatı aksiya təşkilatçılarından biri DAS təşkilatının fəal üzvü Elibəyi Dadaşov məlumat verib.
E.Dadaşovun sözlərinə görə, Azərbaycanda avtoritar və ailə rejiminin (Əliyevlər ailəsi) mövcudluğu hamıya məlumdur. Artıq illərdir Beynəlxalq təşkilatların (Amnestey İnternatiional, Human Rights Watch, Reporter without Borders, Freedom House və s.) hesabatlarında siyasi fəallara, vətəndaş cəmiyyəti aktivlərinə, jurnalistlərə və bu qəbildən olan şəxslərin ailə üzvlərinə qarşı siyasi təzyiqlərin həyata keçirildiyi qeyd olunur. Hal-hazırda Azərbaycanlı hüquq müdafiəçilərinin verdiyi rəylərə görə ölkədə 250-dən artıq siyasi məhbus vardır.
“Human Rights Watch” təşkilatının sonuncu-2022-ci il üçün hesabatında isə Azərbaycanda həm ifadə azadlığının məhdudlaşdırılmasından, həm də siyasi fəaliyyətinə görə aktivistlərin, o cümlədən media nümayəndələrinin və ictimai fəalların həbs edilməsindən bəhs edilir. Bu hesabatda həmçinin Almaniyadan deport edilərək Azərbaycanda həbs edilən “mühacir-məhbuslar” barəsində də məlumat almaq mümkündür.
https://www.hrw.org/world-report/2023/country-chapters/azerbaijan
Avropadan Azərbaycana deportasiya edilən və orada həbs edilən və işgəncələrə məruz qalan Mütəllim Orucov, Malik Rzayev, Samir Aşurov, Pünhan Kərimli, Cəfər Mirzəyev, Ziya İbraimov, Anar Əliyev, Emin Məlikov, Rəşad Ramazanov və b. barəsində beynəlxalq təşkilatlara dəfələrlə müraciətlər ünvanlamışıq. Son iki ay ərzində isə Azərbaycan hakimiyyəti demək olar ki, ictimai fəallara və jurnalistlərə qarşı əsl repressiyalara başlamışdır. 1 noyabr 2023-cü ildə “Müsavat” Partiyasının başqanı Arif Hacılının oğlu Orxan Hacılı saxlanılmış və o, 20 gün əvvəl hər hansı vermədən törətdiyi avtoqəzaya görə cinayət məsuliyyətinə cəlb edilərək həbs edilmişdir. “AbzasMedia” saytının rəhbərləri Sevinc Vaqifqızı, Ülvi Həsənli, eləcə də Məhəmməd Kekalov noyabr ayında qaçaqmalçılıq ittihamı ilə 4 ay müddətinə həbs olunublar. Saytın əməkdaşı jurnalist Nərgiz Absalamova işdə şahid qismində ilk dəfə noyabrın 27-də BŞBPİ-yə çağrılaraq dindirildikdən sonra sərbəst buraxılsa da, daha sonra təkrar çağırılıb və dekabrın 1-də eyni ittihamla barəsində 3 aylıq həbs qətimkan tədbiri seçilib.
27 noyabr 2023-cü il tarixdə isə “Kanal 13” İnternet Televiziyanın rəhbəri Əziz Orucov saxlanılıb və ona qarşı “qeyri-qanuni daşınmaz əmlak üzərində ev tikmə” adı altında cinayət işi açılıb və həbs edilib. Kanalın daha bir əməkdaşı Rüfət Muradlı isə 30 noyabrda inzibati qaydada 30 sutka azadlıqdan məhrum edilib.
Mitinqin digər təşkilatçısı, DAS təşkilatının üzvü Vusal Hüseynov sözlərinə görə, 11 dekabr 2023-cü il tarixdə isə “kanal 11” İnternet Tvnin rəhbəri Teymur Kərimova da cinayət işi açılaraq həbs edilib. Teymur Kərimov ağır işgəncələrə məruz qalsa da etirafedici ifadə verməyib.
Bundan əvvəl də Azərbaycanda insan hüquqları pozuntuları baş vermişdir. Xüsusilə 23 iyul 2023-cü il tarixdə “Demokratiya və Rifah” Partiyasının sədri Qubad İbadoğlunun həbsindən sonra bu kimi həbslər mütəmadi xarakter almışdır. Belə ki, bu ilin 16 sentyabrında hüquq müdafiəçisi Taleh Xasməmmədov, 16 oktyabrda Azərbaycan Xalq Cəbhəsi Partiyasının (AXCP) üzvü Orxan Baxışlı inzibati qaydada 20 sutka həbs edilmişdir. 24 oktyabrda isə AXCP üzvü Mehman Həbibov 3 nəfər tərəfindən döyülərək təhqir edilmiş və ağır işgəncələrə məruz qalmışdır. Ona qarşı siyasi mövqeyinə yönəlik söyüş və təhqirlər səsləndirildiyindən bu olayın da siyasi sifarişli olması ehtimalını artırır. 30 noyabrda isə digər AXCP üzvü Elnur Həsənov “narkotika satışı” adıyla saxlanılıb və barəsində cinayət işi açılıb.
Aksiyanin digər təşkilatçısı DAS təşkilatının üzvü Aygül Əsgərsadənin bildirdiyinə görə, akiyanın sonunda müraciətlərini “Sərhədsiz reportyorlar” beynəlxalq təşkilatının Almaniyadakı nümayəndəliyinə təqdim etmişdir:
Biz bu gün burada aksiya keçirənlər aşağıdakı tələblərimizin həyata keçirilməsini tələb edirik:
Saxlanılan bütün jurnalistlər sərbəst buraxılsın;
Siyasi sifarişli həbslər zamanı işgəncə tətbiq edən polis və istintaq əməkdaşları müəyyəmləşdirilib istintaqa cəlb edilsin;
Bütün növ siyasi təqiblərə son qoyulsun;
Müraciətdə qeyd olunan məlumatların beynəlxalq ictimaiyyətə çatdırılmasına yardım edilsin;
Siyasi məhbusların azad edilməsi üçün Azərbaycan hakimiyyətilə ciddi şəkildə danışıqlar aparılsın;
Ölkədə demokratik prinsiplərin bərqərar olunması üçün Azərbaycan siyasi hakimiyyətinə təzyiqlər edilsin
Akiyada DAS təşkilatin idarə heyətinin üzvləri Elnur Mirzəyev, Oktay Allahverdiyev, Haci Kəlpəlizadə, Məmməd Qarayev təşkilatin aktiv üzvləridə Ramiz Quliyev, Elvin Şıxəliyev çıxış etmişdilər.