Bir neçə gündür ölkə gündəmini müğənni Ağadadaş Ağayevin cinayəti zəbt edib. Bəli, burada kimliyindən asılı olmayaraq cinayət törədilib. Məhz bu cinayəti də müğənni Ağadadaş Ağayev törədib.

Çox qəribəsi isə budur ki, bir qrup yaltaq, kütlə cinayətkarın müdafiəsinə qalxaraq onun əməlinə haqq qazandırırlar. Utanmadan, həyasızcasına və yaltaqcasına müğənniyə tərəf çıxırlar. Xalq isə bu yaltaqların iyrənc əməllərini qətiyyətlə pisləyir və bu kütlənin əməllərini şiddətlə qınayır.

Bəs bu həyasız kütlənin özünü bu qədər alçalmasına, yaltaqlıq etməsinə vadar edən nədir? Niyə görə haqqı müdafiə etməyibdə cinayətkara haqq qazandırırlar? Onun bu cinayətinə şərik olurlar? Bunları danışmağa və müdafiə etməyə məcbur edən müğənninin verdiyi rüşvətdirmi?

Təbii ki, bəzi şərəfli incəsənət adamları ağıllı mövqe nümayiş etdirib susmağı üstün bilirlər. Bu cür şəxslər alqışa layiqdir. Ən doğru mövqe də məhz budur ki, cinayətkarı nə müdafiə edirsən, nə də bu barədə danışırsan.

Təəssüflər olsun ki, cəmiyyətdə bu cinayətə haqq qazandıran kütlənin sayı da artmaqdadır. Sanki bir biri ilə bəhsə girmişcəsinə həm sosial şəbəkələrdə həm də xalqımızın əxlaq və mənəvi dəyərlərini posan bəzi TV kanalların aparıcııarı vasitəsilə təbliğ olunur.

klinika rəhbərliyini, əmməkdaşlarını müdafiə edən və danışan hələki çox azdır.

Kimliyindən, statusundan, vəsifəsindən, dinindən asılı asılı olmayaraq cinayətkar qanun qarşısında məsuliyyət daşıyır. Bu cinayəti törədən müğənninin məqsədi attığı balta ilə mühafizəçini öldürmək yaxud ona qəstən xəsarət yetirməkdir. Hansı ki, mühafizəçi ictimai yerdə əsayişi təmin edərək insanların təhlükəsizliyini təmin edib. Onun müğənnini döyməsi isə özünü müdafiə etmək və və müğənnini törədə biləcək diğər ağır cinayətin qarşısını almaq olub. Təəssüf olsun ki, hadisə zamanı xəsarət alan klinika əməkdaşı haqqında məlumat çox azdır. Klinikada işləyən xadimənin səhhəti ağır olaraq qiymətləndirilir.

İnanırıq ki, hüquq mühafizə orqanları cinayəti törədən şəxsin kimliyindən, titulundan asılı olmayaraq şəxsin bu əməlini araşdıracaq və ədalətli qərar verərək cinayət məsuliyyətinə cəlb olunacaq. Nə qədər ki, harınlamışların öz başnalığının qarşısı alınmayacaq, ölkədə kriminal cinayətlərin sayı artacaq.