USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əfqan Sadıqovun ekstradisiyası ilə bağlı həbs müddəti daha 3 ay uzadılıb
Gürcüstan Məhkəməsi jurnalisti zaminə buraxmayıb.
Azərbaycanlı jurnalist Əfqan Sadıqovun ekstradisiyası ilə bağlı həbs müddəti daha 3 ay uzadılıb.
Sözügedən qərarı Tbilisi Şəhər Məhkəməsinin hakimi Lela Maridaşvili çıxarıb.
Sadıqovun Sosial Ədalət Mərkəzindən olan nümayəndəsi Keti Çutlaşvili onun zaminə buraxılmasını istəyib, məhkəmə vəsatəti təmin etməyib.
Əfqan Sadıqov həbsxanada aclıq aksiyasına davam edir.
2024-cü il noyabrın 28-də Tbilisi Şəhər Məhkəməsi Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması barədə qərar çıxarıb.
Müdafiə tərəfi məhkəmənin qərarından apelyasiya şikayəti verib və Avropa İnsan Hüquqları Məhkəməsinə müraciət edib.
Əfqan Sadıqov 2023-cü ilin dekabrında ailəsilə birlikdə Gürcüstana gedib.
2024-cü ilin iyulunda onu Gürcüstandan Türkiyəyə buraxmayıblar və deyiblər ki, ancaq Azərbaycana qayıda bilər.
Avqustda Azərbaycanın sorğusu əsasında Əfqan Sadıqov həbs edilib.
Bakıda onu hədə yolu ilə tələb etməkdə ittiham edirlər və ekstradisiyasını tələb edirlər.
O, həbsinə və ona sığınacaq verilməməsinə etiraz olaraq sentyabrın 21-dən aclıq edir.
Oktyabrın 8-də aclıq nəticəsində vəziyyəti pisləşib və onu həbsxana xəstəxanasına köçürüblər.
