USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Tofiq Yaqublu: “75 yaşımda həbsxanadan çıxmaqdansa, ölümü seçirəm“
Siyasətçi Tofiq Yaqublu 9 illik həbs hökmünə etiraz olaraq aclıq aksiyasına başlayacağını bildirib.
"Mənə qarşı açıq-aşkar cinayət törədilib. Saxta ittihamla, əsassız və qanunsuz olaraq, 1 il 3 aydır ki, həbsdə saxlanılıram. Dünən Bakı Ağır Cinayətlər Məhkəməsinin hakimi Elnur Nuruyev mənim barəmdə PA-dan gələn hökmü elan etdi. Bu hökmü mənə İlham Əliyev verib.
Aprelin 1-dən etibarən qanunsuz məhkəmə qərarına etiraz olaraq aclıq aksiyasına başlayacağam. Qərarım qətidir! Mən həbsxanadan yalnız ölüm çıxacaq, çünki bu aksiyanı sona qədər davam etdirəcəyəm. Nə vaxt ölərəmsə, o zaman da aclıq aksiyası bitəcək. Necə ki, Maqnitski aktı var, qoy "Yaqublu Aktı" da olsun. Bəlkə mənim ölümüm bu ölkəyə azadlıq gətirər.
Məni dələduzluqda ittiham etmək tərbiyəsizlik, ləyaqətsizlik və şərəfsizlikdir! Mən 75 yaşımda həbsxanadan çıxmaqdansa, ölümü seçirəm.
Aclıq aksiyasının əsas məqsədi mənə qarşı açılmış saxta ittihamın xitam verilməsi və azadlığımın təmin olunmasıdır. Tələbim yerinə yetirilməyənədək aksiyanı dayandırmayacağam!"
