USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Meydan" TV işi üzrə saxlan Jurnalistlərin həbs müddəti daha 3 ay uzadıldı
“Meydan TV işi” üzrə həbs olunan jurnalistlər Aynur Elgünəş, Aytac Tapdıq, Xəyalə Ağayeva, Natiq Cavadlı və Fatimə Mövlamlı barəsində olan həbs qətimkan tədbiri 3 ay uzadılıb.
Qərarları martın 14-də Xətai Rayon Məhkəməsi verib.
Məhkəmə prosesləri ayrı-ayrılıqda keçirilib.
Aynur Elgünəşin, Aytac Tapdığın və Natiq Cavadlının məhkəmə prosesləri ayrı-ayrılıqda onlayn formatda, Xəyalə Ağayevanın iclası isə məhkəmə binasında keçirilib.
Ötən il dekabrın 6-da Meydan TV-nin Azərbaycan nümayəndəliyinin rəhbəri Aynur Elgünəş, jurnalistlər Ramin Deko, Aysel Umudova, Aytac Tapdıq, Xəyalə Ağayeva, Natiq Cavadlı saxlanılıblar. Onlar qaçaqmalçılıqda ittiham olunurlar.
Meydan TV əməkdaşları ilə yanaşı, eyni gündə vətəndaş cəmiyyətinin üzvü Ülvi Tahirov da saxlanılıb.
Bu il fevralın 5-də “arqument.az” saytının baş redaktoru, Meydan TV ilə əməkdaşlıq edən jurnalist Şəmşad Ağa da saxlanılıb.
Fevralın 20-də jurnalist Nurlan Libre, fevraın 28-də isə jurnalist Fatimə Mövlamlı da bu iş üzrə saxlanılıb.
Saxlanılan jurnalistlərin evində axtarış aparılıb, telefonları, kompüterləri və digər şəxsi əşyaları götürülüb.
Həbs olunan jurnalistlər özlərini təqsirli bilmir, Meydan TV əməkdaşlarının tənqidçi fəaliyyətlərinə görə cəzalandırıldıqlarını bəyan ediblər.
