USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Nigar Həzi: “Tofiq Yaqublunun ciddi müalicəyə ehtiyyacı var”
Bu barədə Yaqublunun qızı paylaşım edib:
“Bu gün ata ilə zəng günümüz idi. Ata yenə çox yorğun və halsızdır. Səsi cuzi də olsa bir az yaxşılaşıb. Budəfəki aclıq onun səhhətinə çox ciddi zərər verib və bərpası təxmin etdiyimizdən də çox uzun çəkəcək kimi görünür.
Bu gün həm də doktor Adil Qeybulla Tofiq Yaqubluya müalicə müəssisəsində baş çəkib. Ona bəzi infuziya müdaxilələri edib. Biz Tofiq Yaqublunun bu kritik günlərdə mütəmadi olaraq Adil Qeybullanın nəzarətində olmasını və mülki xəstəxanaya köçürülməsini istəyirik. Çünki onun indiki vəziyyətdə xüsusi qayğıya, qulluğa və ən əsası ciddi müalicəyə ehtiyacı var. İndi saxlanıldığı müəssisə isə buna uyğun deyil.”
Tofiq Yaqublu dəfələrlə siyasi qəsdə məruz qalıb. Buna görə də Penitensiar Xidmətin Tibb İdarəsinin həkimlərinə etibar etmirik və onların T.Yaqubluya hər hansı tibbi müdaxiləsini istəmirik. T.Yaqublu özünün də etibar etdiyi həkim Adil Qeybullanın nəzarətində olmalıdır.
Tofiq Yaqubluya və bütün siyasi məhbuslara azadlıq tələb edirəm!
