USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Əhv olunanlar arasında Fransa vətəndaşı da var
Prezidentin əfv sərəncamı 220 məhkumu əhatə etdi, siyasi məhbuslar siyahıya düşməyib
Mayın 26-da prezident İlham Əliyev bir sıra məhkumların əfv olunması haqqında sərəncam imzalayıb. Sərəncam ümumilikdə 220 nəfəri əhatə edir. Onlardan 175-i cəzasının qalan hissəsindən azad olunub.
Əfv olunanlar arasında Fransa vətəndaşı Teo Klerk Hüqo da var. 1986-cı il təvəllüdlü Hüqo Bakıda metronun tunelinə qanunsuz daxil olaraq qatarların üzərində qraffitilər çəkməkdə təqsirləndirilmiş və 2024-cü ilin sentyabrında Nərimanov Rayon Məhkəməsinin hökmü ilə 3 il müddətinə azadlıqdan məhrum edilmişdi.
Sərəncamda siyasi məhbus kimi tanınan şəxslərin heç birinin adı yer almayıb. Hüquq müdafiəçiləri və vətəndaş cəmiyyəti təmsilçiləri bunu tənqid edərək əfv siyahısının ədalətli və inklüziv olmamasını vurğulayıblar.
Əfv sərəncamı Respublika Günü ərəfəsində imzalanıb və bu, Azərbaycanda dövlət bayramları öncəsi verilən ənənəvi əfv aktlarının davamı kimi qiymətləndirilir.
