USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Elvin Mustafayev 1 Aydır Karsda Saxlanılır – Vəkili ilə Görüşə İcazə Verilmədi
Tofiq Yaqubluya dəstək məqsədilə aclıq aksiyası keçirən İşçi Masası Həmkarlar İttifaqları Konfederasiyasının üzvü Elvin Mustafayevin vəziyyəti ilə bağlı narahatlıq artır. Vəkil Zibeyda Sadıqova bildirib ki, Elvin Mustafayev artıq bir aydır ki, cəzaçəkmə müəssisəsinin cərimə təcridxanasında (karserdə) saxlanılır və onunla görüşə icazə verilmir.
Vəkil bu barədə sosial şəbəkədə paylaşım edib: “6 saylı Cəzaçəkmə Müəssisəsinə gəlmişəm ki, Elvin Mustafayevlə görüşüm. Lakin mənə dedilər ki, rəis görüşə icazə vermir.”
Məlumata görə, Elvin Mustafayev mayın 6-da Tofiq Yaqubluya dəstək məqsədilə aclıq aksiyasına başlayıb. Həmin tarixdən sonra onunla əlaqə kəsilib. İlk olaraq 13 saylı Cəzaçəkmə Müəssisəsində saxlanılan Mustafayev daha sonra 6 saylı müəssisəyə köçürülüb və burada karserə salınıb.
Vəkilin iddiasına görə, Mustafayevin cəza müddəti əlavə 1 ay uzadılıb, ailə üzvləri ilə görüşünə də qadağa qoyulub: “Elvinin hüquqları ciddi şəkildə pozulur. İndi də vəkili olaraq mənim onunla görüşməyimə imkan vermədilər. Bu halın səbəbi kimi onun işgəncəyə məruz qalması və bunun gizlədilməsi ehtimalı irəli sürülür.”
Hazırda məsələ ilə bağlı rəsmi qurumlardan heç bir açıqlama verilməyib. Vəkil və insan haqları təşkilatları Elvin Mustafayevin vəziyyəti ilə bağlı ictimaiyyətə şəffaf məlumat verilməsini və hüquqlarının təmin olunmasını tələb edirlər.
Qarşı tərəfin mövqeyini dərc etməyə hazırıq.
