USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Fatimə Mövlamlı həbsxanadan məktub yazdı: “Üzüm burada da gülür, kefim kökdür”
“Toplum TV işi” üzrə həbs edilən jurnalist Fatimə Mövlamlı həbsdə keçirdiyi üçüncü ayla bağlı Bakı İstintaq Təcridxanasından məktub göndərib.
Jurnalist məktubunda fəaliyyətinə görə dəfələrlə təzyiqə məruz qaldığını, amma heç vaxt geri çəkilmədiyini bildirir:
“Fatimə Mövlamlı saxlanıldı” – bu xəbər başlığı çoxunuza tanışdır. Həyatımın son 7 ili bu başlıq altında keçib. Baxmayaraq ki, heç bir cinayət törətməmişdim, sadəcə öz işimlə məşğul idim. Mən xəbər yazırdım, onlar əsəbiləşirdilər.”
Fatimə Mövlamlı jurnalist fəaliyyəti zamanı dəfələrlə hüquq-mühafizə orqanları tərəfindən saxlanıldığını, döyüldüyünü və hədələndiyini, amma peşəsindən vaz keçmədiyini qeyd edir. O yazır ki, həbsə düşəcəyi onsuz da gözlənilən idi və buna görə təəccüblənməyib:
“Qaramaskalı əməliyyatçılar başımın üstünü kəsdirəndə qəti təəccüblənmədim. Heç bir kəlmə də demədim. “Nə baş verir?” deyə soruşmadım. Çünki nə baş verdiyini bilirdim – məni şərləyirdilər.”
Məktubunda Mövlamlı bildirir ki, həbs onun üçün nə qorxulu, nə də gözlənilməz olub. Əksinə, bu təcrübəni peşə yolunun bir hissəsi kimi görür:
“Həbsxana mənim üçün qorxulu yer deyil. Hətta o qədər ki, kimsə ‘necəsən?’ deyə soruşanda ‘əla, heç elə bil türmədə deyiləm’ cavabını verirəm. Üzüm burada da gülür, kefim kökdür. Baş verən heç nə üçün məyus deyiləm.”
Fatimə Mövlamlı məktubunu ruh yüksəkliyi ilə bitirir:
“Ən yaxşı reportajlarımı hələ bundan sonra hazırlayacağam!”
Xatırladaq ki, Fatimə Mövlamlı “Toplum TV işi” çərçivəsində saxlanılan jurnalistlərdən biridir. Hüquq-müdafiə təşkilatları onun və digər həbs olunanların işini siyasi motivli sayır. Azərbaycan hökuməti isə bu iddiaları rədd edir və qanunun aliliyinin təmin edildiyini bildirir.
