USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bir evin təmirinə 52 min manat: Ballıca kəndində təmir müqaviləsi diqqət çəkdi
Xocalı rayonunun Ballıca kəndində yerləşən 63 fərdi yaşayış evində cari təmir işləri aparılacaq. Bu məqsədlə Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti ilə “Şinkar Holdinq” MMC arasında 3 312 708,4 manatlıq satınalma müqaviləsi bağlanıb.
Rəqəmlər göstərir ki, bir evin təmirinə orta hesabla 52 582 manat xərclənəcək. Maraqlısı budur ki, bu məbləğ bəzi rayon və qəsəbələrdə yeni fərdi yaşayış evlərinin tikinti xərclərinə bərabər, hətta bəzi hallarda ondan da çoxdur.
Bundan başqa, müqavilə açıq tender yolu ilə yox, bir mənbədən satınalma metodu ilə bağlanıb. Bu da şəffaflıqla bağlı suallar doğurur və dövlət satınalmalarında rəqabətin olmaması ilə bağlı narahatlıqları artırır.
Mütəxəssislər və vətəndaş cəmiyyəti təmsilçiləri bu cür böyük məbləğli müqavilələrin ictimai nəzarətə açıq şəkildə və rəqabətli tender əsasında həyata keçirilməsinin vacibliyini vurğulayırlar.
