USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
12 saylı Cəzaçəkmə Müəssisəsində ikinci dəfə qəza baş verib – MBH-dən narahatlıq
Son 15 gün ərzində 12 saylı Cəzaçəkmə Müəssisəsində ikinci dəfə qəza baş verib. Bu barədə Müsəlman Birliyi Hərəkatı (MBH) bəyanat yayıb.
MBH bildirir ki, iyunun 13-də gecə saat 03:00 radələrində əvvəllər dam örtüyü uçmuş binanın başqa bir hissəsində yenidən çökmə olub. Hadisə nəticəsində ətraf binalarda titrəyiş yaranıb, məhbuslar qorxu və həyəcan içində olublar. Onlar qapalı qapılar arxasında qalaraq binanın çökməsi təhlükəsi ilə üz-üzə qalıblar, bəziləri isə əzilmə xəsarətləri alıb.
Hadisədən sonra məhbuslar həyətə buraxılıb və səhərə qədər orada saxlanılıblar. MBH qeyd edir ki, məhbusların həyatı real təhlükə altındadır, lakin Penitensiar Xidmət rəhbərliyi məsələyə etinasız yanaşır.
İyunun 14-də Penitensiar Xidmət rəis müavini Fikrət Qafarov müəssisəyə baxış keçirib və məhbusların bir hissəsinin qəzalı klub binasında, digər hissəsinin isə yeməkxanada saxlanılmasına qərar verib. MBH bu qərarı məhbusları “ölümlə baş-başa buraxmaq” kimi qiymətləndirib.
Xatırladaq ki, iyunun 1-də müəssisədə dam örtüyünün uçması nəticəsində bir məhbus yaralanıb və daha sonra vəfat edib. Həmin müəssisədə MBH sədri Taleh Bağırzadə və təşkilatın digər üzvləri də saxlanılır.
