USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Qabil Məmmədovun cinayət işi üzrə ibtidai istintaq yekunlaşıb
Almaniyada yaşayan və Azərbaycan hökumətini tənqid edən çıxışları ilə tanınan bloger Qabil Məmmədova qarşı açılmış cinayət işi üzrə ibtidai istintaq başa çatıb. Bu barədə məlumat İctimai Televiziyanın yayımladığı süjetdə yer alıb.
Məlumata görə, Qabil Məmmədov və ona təyin edilmiş dövlət müdafiəçisi iyunun 23-dən etibarən cinayət işinin materialları ilə tanış ola bilərlər. Eyni zamanda, istintaq orqanı blogeri xəbərdar edib ki, o, istintaqa gəlmədiyi təqdirdə iş məhkəməyə göndərilə və barəsində qiyabi hökm çıxarıla bilər.
Qabil Məmmədova Azərbaycan Cinayət Məcəlləsinin bir neçə maddəsi üzrə ittiham irəli sürülüb. Onlar arasında dələduzluq, hədə-qorxu ilə tələb etmə, ictimai asayişi pozan hərəkətlərin təşkili, hakimiyyət nümayəndəsinə qarşı müqavimət, terrorçuluq kimi ağır maddələr yer alır.
Baş Prokurorluq 2025-ci ilin martında xaricdə yaşayan bir qrup siyasi mühaciri – İlqar Hacıyev, Məhəmməd Mirzəli, Qurban Məmmədov, Elşad Məmmədov, Qabil Məmmədov və Tural Sadıqlını oxşar ittihamlarla istintaqa cəlb edib. Onların heç biri çağırışa cavab verməyib. Bunun ardından Binəqədi Rayon Məhkəməsi həmin şəxslər barəsində həbs qətimkan tədbiri seçib.
Qabil Məmmədovun özü və tərəfdarları ittihamların siyasi motivli olduğunu bildirirlər. O, sosial media platformalarında Azərbaycanda insan haqlarının pozulması, korrupsiya və avtoritar idarəçiliklə bağlı tənqidi çıxışlar edir.
Məhkəmə işinin yaxın günlərdə qiyabi qaydada başlanacağı gözlənilir.
