USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Sevinc Vaqifqızından son söz: “Ölümü gözə alanların həbsdən nə qorxusu?!”
İyunun 20-də Bakı Ağır Cinayətlər Məhkəməsində “Abzas Media işi” üzrə keçirilən məhkəmə prosesində qurumun baş redaktoru, jurnalist Sevinc Vaqifqızı (Abbasova) son sözlə çıxış edib. Məhkəmə onu 9 il azadlıqdan məhrumetmə cəzasına məhkum edib.
Sevinc Vaqifqızının çıxışı Azərbaycanda ifadə azadlığının durumu və müstəqil medianın qarşılaşdığı təzyiqləri bir daha gündəmə gətirib. Jurnalist bildirib ki, Azərbaycanda azad jurnalistika uzun illərdir təqib və basqılar altında fəaliyyət göstərir: “Azərbaycan adsız jurnalistlər ölkəsidir. Yazdıqları xəbərlərlə yox, həbs xəbərləri ilə tanınırlar,” – deyə o, vurğulayıb.
Vaqifqızı çıxışında bildirib ki, onların həbsi prezident İlham Əliyevin göstərişi ilə həyata keçirilib, çünki Abzas Media-nın araşdırmaları dövlət başçısının və onun yaxın ətrafının adlarının hallandığı korrupsiya faktlarını ortaya çıxarıb.
“Əvvəl ‘Qarabağ boyda dərdimiz var’ deyirdilər, biz Qarabağda korrupsiyanı araşdıranda isə ‘xırdaçılıq etməyin’ dedilər. Onlar suallardan qaçmaq üçün bizi həbs etdilər,” – deyə jurnalist bildirib.
Sevinc Vaqifqızı qeyd edib ki, təcridxanada saxlanma şəraitindən tutmuş istintaq prosesinə qədər bütün hüquqi prosedurlar pozulub, jurnalistlərə qarşı ittihamlar isə sübutsuz və siyasi motivlidir.
Çıxışının sonunda isə o, məhkəmə heyətinə səslənərək bildirib: “Azad olmayan hakimlərdən azadlıq istəyə bilmərəm. Amma biz – azad jurnalistlər – onsuz da azadıq. Çünki doğru sözün tərəfindəyik.”
Sevinc Vaqifqızının bu çıxışı yerli və beynəlxalq hüquq müdafiə təşkilatları tərəfindən siyasi motivli məhkəmə işlərinə dair növbəti nümunə kimi qiymətləndirilir.
