USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
“Abzas Media işi” üzrə jurnalistlərə hökm oxundu – uzunmüddətli həbslər və represiya
2025-ci il iyunun 20-də Bakı Ağır Cinayətlər Məhkəməsində “Abzas Media işi” üzrə keçirilən sonuncu məhkəmə iclasında jurnalistlərə hökm oxunub. Məhkəmə prosesi hakim Rasim Sadıxovun sədrliyi ilə baş tutub.
Məhkəmənin hökmünə əsasən:
• “Abzas Media”nın direktoru Ülvi Həsənli, redaktor Sevinc Abbasova (Vaqifqızı), araşdırmaçı jurnalistlər Hafiz Babalı və Fərid Mehralızadə 9 il,
• Jurnalistlər Nərgiz Absalamova və Elnarə Qasımova 8 il,
• Media hüquqları üzrə fəaliyyət göstərən Məhəmməd Kekalov isə 7 il 6 ay müddətinə azadlıqdan məhrum ediliblər.
Jurnalistlərə qarşı irəli sürülən ittihamlar əsasən maliyyə pozuntuları və qaçaqmalçılıqla bağlı olub. Lakin yerli və beynəlxalq hüquq-müdafiə təşkilatları bu işin siyasi motivli olduğunu bildirir və jurnalistlərin fəaliyyətlərinə görə cəzalandırıldıqlarını vurğulayırlar.
Qeyd edək ki, “Abzas Media” son illərdə korrupsiya və ictimai əhəmiyyət daşıyan araşdırmaları ilə tanınırdı. Hökm ictimaiyyət və media cameəsi tərəfindən geniş rezonans doğurub. Müdafiə tərəfi qərardan apellyasiya şikayəti verməyi planlaşdırır.
