USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Anar Məmmədlinin məhkəməsində qanunsuz sifarişlərin icrası davam edir
İyunun 30-da Seçkilərin Monitorinqi və Demokratiyanın Tədrisi Mərkəzinin (SMDT) sədri Anar Məmmədli və ictimai fəal Anar Abdullayevin (Abdulla) işi üzrə Bakı Ağır Cinayətlər Məhkəməsində növbəti məhkəmə iclası keçirilib.
Məhkəmə hakim Aygün Qurbanovanın sədrliyilə baş tutub. Prosesdə müdafiə tərəfi bir neçə vəsatətlə çıxış edib.
Müdafiəçilər:
• İttiham aktında sübut kimi təqdim edilən kompüter və telefonlardan əldə olunduğu bildirilən materialların sübutlar siyahısından çıxarılmasını,
• Anar Məmmədlinin cinayət işinə xitam verilməsini və ya onun ev dustaqlığına buraxılmasını tələb ediblər.
Hakim heyəti vəsatətlərin heç birini təmin etməyib.
Müdafiə tərəfi baş verənləri siyasi sifarişin icrası kimi qiymətləndirib. Onların fikrincə, ittihamlar hüquqi yox, siyasi motivlidir və məhkəmə prosesi hüquq normalarına deyil, qərəzli tapşırıqlara əsaslanır.
Növbəti məhkəmə iclası iyulun 7-nə təyin olunub.
Xatırladaq ki, Anar Məmmədli Azərbaycanda azad və şəffaf seçkilərin monitorinqi sahəsində fəaliyyəti ilə tanınan ictimai xadimdir. O, əvvəllər də fəaliyyəti səbəbindən siyasi təqibə məruz qalıb və bir müddət azadlıqdan məhrum edilib.
