USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Anar Məmmədlinin məhkəmə prosesi başlayır
Seçkilərin Monitorinqi və Demokratiyanın Tədrisi Mərkəzinin (SMDTM) rəhbəri Anar Məmmədlinin cinayət işi üzrə istintaq yekunlaşıb və iş baxılması üçün məhkəməyə göndərilib. Bu barədə məlumatı müdafiə tərəfi yayıb.
Cinayət işi Bakı Ağır Cinayətlər Məhkəməsində hakim Aygün Qurbanovanın icraatına verilib. Məhkəmənin hazırlıq iclası 2025-ci il mayın 26-na təyin olunub.
Xatırladaq ki, Anar Məmmədli 2024-cü il aprelin 29-da saxlanılıb, ertəsi gün Xətai Rayon Məhkəməsi onun barəsində həbs-qətimkan tədbiri seçib. O, Azərbaycan Respublikası Cinayət Məcəlləsinin 206.3.2-ci (qaçaqmalçılıq — əvvəlcədən əlbir olan bir qrup şəxs tərəfindən törədildikdə) maddəsi ilə ittiham olunur.
Anar Məmmədli irəli sürülən ittihamı qəbul etmir.
