USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AXCP üzvü Elbəyi Kərimli karserə salınıb
Azərbaycan Xalq Cəbhəsi Partiyasının (AXCP) həbsdə olan üzvü Elbəyi Kərimlinin cərimə kamerasına (karser) salındığı bildirilir.
Bu barədə məlumatı iyulun 13-də “Azadlıq Qəzeti” yayıb. Məlumata görə, Kərimli cəzaçəkmə müəssisəsində Ədliyyə Nazirliyi və Penitensiar Xidmətin nümayəndələrinin iştirakı ilə keçirilən tədbirdə çıxış edərək həbsinin siyasi motivli olduğunu bildirib və şərlənərək azadlıqdan məhrum edildiyini söyləyib. Nəticədə onun döyüldüyü və karserə salındığı iddia olunur.
Elbəyi Kərimlinin karserə nə vaxt və hansı müddətə salındığı ilə bağlı isə rəsmi məlumat verilməyib.
Qeyd edək ki, Elbəyi Kərimli 2023-cü ilin avqustunda keçmiş prezident Heydər Əliyevin heykəlinə “Stalin” yazdıqdan sonra saxlanılıb. 2024-cü ildə Bakı Ağır Cinayətlər Məhkəməsi onu Cinayət Məcəlləsinin 234.4.3-cü maddəsi ilə – satış məqsədilə külli miqdarda narkotik vasitə saxlama ittihamı ilə 6 il müddətinə azadlıqdan məhrum edib. Sonradan Ali Məhkəmə satış məqsədini ittihamdan çıxararaq cəzanı 5 ilə endirib.
AXCP son aylarda üzvlərinə qarşı artan təzyiqlərlə bağlı narahatlığını bildirib. Məlumata görə, partiyanın 10-a yaxın üzvü inzibati qaydada həbs edilib, ən azı 15 üzvünə isə cinayət işi açılıb. Onlar ittihamları rədd edir və siyasi fəaliyyətlərinə görə təqib olunduqlarını bildirirlər.
