USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Müsəlman Birliyi Hərəkatının üzvü həbs edilib
Müsəlman Birliyi Hərəkatının (MBH) üzvü Elgiz Məmmədov həbs olunub. MBH-dən verilən məlumata görə, iyunun 12-də Nizami Rayon Məhkəməsi onun barəsində 4 aylıq həbs qətimkan tədbiri seçib.
Elgiz Məmmədova qarşı Cinayət Məcəlləsinin 234.1.1-ci maddəsi ilə – yəni narkotik vasitələri satış məqsədi olmadan qanunsuz əldə etmə və saxlama ittihamı irəli sürülüb.
Fəal iyunun 10-da Bakının Keşlə qəsəbəsində saxlanılıb və həmin gün 1 saylı Kliniki Tibbi Mərkəzə yerləşdirilib.
Onun həyat yoldaşı bildirib ki, Elgiz Məmmədova polis idarəsində işgəncə verilib, ona narkotik maddə ittihamını qəbul etdirmək üçün suyuna maddə qatılıb.
MBH bəyan edir ki, Elgiz Məmmədov narkotik vasitə istifadəçisi deyil və şərlənərək həbs olunub.
Azərbaycanda Siyasi Məhbusların Azadlığı üçün Birlikin 9 iyun tarixində yenilənmiş siyahısına əsasən, ölkədə 375 nəfər siyasi motivlərlə həbs olunub, onların 241-i isə inanclı fəallardır.
