USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakı İstintaq Təcridxanasından “Həqiqi Sülh” məktubu
Həbsdə olan jurnalist Fatimə Mövlamlı Bakı İstintaq Təcridxanasından “Həqiqi Sülh” başlıqlı məktub göndərib. Məktubda o, sülh prosesinə münasibətini, Vaşinqtonda üç ölkə liderinin iştirakı ilə keçirilən görüş və mətbuat konfransında diqqətini çəkən məqamları bölüşüb.
Mövlamlı, müharibənin hər iki xalq üçün uzun illər təzyiq vasitəsinə çevrildiyini, sülhə yönələn istənilən addımı alqışladığını bildirib. O, mətbuat konfransında Azərbaycan mediasını təmsil edən jurnalistin sual verməməsini və ya məzmunlu çıxış etməməsini tənqid edərək bunu müstəqil jurnalistlərin həbsdə olması ilə əlaqələndirib:
“Müstəqil media nümayəndələrini həbs edib, meydanı hökumətin icazəsi ilə danışanlara verəndə nəticə başqa cür ola bilməzdi.”
Jurnalist, həmçinin İlham Əliyevin həmin çıxış zamanı müxbirin dediklərini izah etməyə çalışmasını “öz qazdığı quyuya düşmək” kimi xarakterizə edib.
Məktubun sonunda Fatimə Mövlamlı Vaşinqtondakı görüşdə iştirak edə bilmədiyini, amma buradan bir sual ünvanladığını qeyd edib:
“Bəs, öz ölkənizin vətəndaşları ilə necə, sülh bağlamaq fikriniz varmı?… Əliyev, sülh, həqiqi sülh olacaqmı?!”
