USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Bakıda zəhərlənən alman uşaq xüsusi təyyarə ilə vətəninə aparıldı
Bakıya turist kimi gəlmiş alman ailəsinin 5 yaşlı övladı təsadüfən kimyəvi məhlul içərək zəhərlənib. Uşaq təcili olaraq paytaxtdakı Toksikologiya Mərkəzinə yerləşdirilib. Lakin valideynlərin sözlərinə görə, həkimlər onlara vəziyyət barədə dəqiq məlumat verməyib, yalnız 15 saatdan sonra nəticə bildirəcəklərini deyiblər.
Hadisəyə dərhal Almaniyanın Azərbaycandakı səfirliyi müdaxilə edib. Cəmi üç saat ərzində Almaniyadan Bakıya reaktiv mühərrikli xüsusi təyyarə göndərilib. Təyyarə ilə gələn həkim uşağın vəziyyətini və xəstəxana şəraitini dəyərləndirdikdən sonra onun təcili Almaniyaya aparılması barədə qərar verib. Alman hökuməti öz vətəndaşının həyatını xilas etmək üçün təxminən 200 min avro vəsait sərf edib.
Almaniyalı həkim Klaus Eder məsələ ilə bağlı açıqlamasında deyib:
“Biz 15 saat gözləyə bilməzdik. Uşağın vəziyyəti çox ağır idi. Ola bilər, azərbaycanlı həmkarlarımız fərqli düşündülər.”
Hadisə Almaniya hökumətinin öz vətəndaşına göstərdiyi diqqət və məsuliyyətin nümunəsi olmaqla yanaşı, Azərbaycanın səhiyyə sisteminin beynəlxalq imicini də müzakirəyə çıxarıb.
Sonradan verilən məlumata görə, Almaniyaya aparılan uşaq artıq sağalıb. Lakin Azərbaycanda səhiyyə sistemindəki “15 saat gözləmə” yanaşmasının dəyişməz olaraq qaldığı vurğulanır.
