USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
Almaniyadan 40 Azərbaycan vətəndaşı ölkəyə deport olunub
Oktyabrın 9-da 40 Azərbaycan vətəndaşı Almaniyadan ölkəyə geri qaytarılıb.
Dövlət Miqrasiya Xidmətinin oktyabrın 10-da yaydığı məlumata görə, bu proses “Azərbaycan Respublikası ilə Avropa İttifaqı arasında icazəsiz yaşayan şəxslərin readmissiyası haqqında” Saziş çərçivəsində həyata keçirilib.
Qurum bildirib ki, Readmissiya üzrə İşçi Qrup geri qaytarılan şəxslərin üzləşdikləri problemlərin operativ həlli və onların cəmiyyətə sosial-iqtisadi reinteqrasiyasını təmin etmək məqsədilə müvafiq tədbirlər görür.
Almaniyadan deportasiya olunan şəxslərin adları açıqlanmayıb. Dövlət Miqrasiya Xidmətinin məlumatına əsasən, 2020–2024-cü illər ərzində Azərbaycanın imzaladığı readmissiya sazişləri çərçivəsində 16 ölkədən ümumilikdə 1 696 nəfər geri qaytarılıb. Bu ilin əvvəlindən isə readmissiya olunanların sayı artıq 200 nəfəri ötüb.
