25 iyun 2020-ci il tarixdə “Cahan İdman Klubu” İctimai Birliyi özünün növbəti ümumi yığıncağını keçirtdi. Yığıncağı giriş sözü ilə birliyin sədri Elçin Eyvazov açaraq gündəlikdə duran məsələlərlə bağlı geniş söhbət açdı və bildirdi ki, hal-hazırda dünyanı bürüyən “COVİD-19” pandemiyası ölkəmizdən də yan keçməmişdir. Elçin Eyvazov öz nitqində bildirdi ki, pandemiya ilə mübarizədə ölkə Prezidenti İlham Əliyev cənablarına biz də qeyri-hökümət ətşkilatları olaraq əlimizdən gələn köməklikləri göstərməyə borcluyuq. Bu çətin durumda İlham Əliyev cənabları ətrafında sıx birləşib pandemiyaya qalib gəlməliyik. Cəmiyyətimizdə maarifləndirmə işləri ilə məşğul olub, insanların sağlamlığının qorunmasında onlara mənəvi dəstək olmalıyıq.
Daha sonra Elçin Eyvazov gündəlikdə duran məsələləri yığıncaq iştirakçılarına açıq elan etdi.
İdarə heyətinin üzvlərinin sayı 5 nəfərdən 7 nəfərə artırılması.
Yeni İdarə heyətinin üzvünün seçilməsi.
Yeni Beynəlxalq əlaqələr departamentinin təsis edilməsi.
Sədrin iqtisadi məsələlər üzrə müavini vəzifəsinin təsis edilməsi.
Sədrin təşkilati məsələlər üzrə müavininin seçilməsi.
Sədrin iqtisadi məsələlər üzrə müavininin seçilməsi.
Sədrin əmrləri.
“Cahan İdman Klubu” İctimai Birliyinin İdarə Heyəti və fəal üzvləri Məmmədov Yaşar Bayram oğlu, Novruzov Talıb Əşrəf oğlu, Həmidova Gülnara Nəcməddin qızı və iclasın katibi Tərlan Qasımov yekdil səslə yuxarıda sadalananlara səs verdilər. Beləliklə, “Cahan İdman Klubu” İctimai Birliyi özünün növbəti iclasının sona yetirdi.
Gülnara Həmidova
“Mərhəmət.TV”-nin rəhbəri, AJB-nin üzvü
Hazırladı: Fərid Faiqoğlu (Səfərov)