USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
İranın cənubunda raket zərbələri: Onlarla şagird həlak olub
İranın cənubunda yerləşən Minab şəhərində qızlar məktəbinə raket düşməsi nəticəsində azı 60 şagird həlak olub, 80 nəfər isə xəsarət alıb.
Bu barədə ölkənin Səhiyyə Nazirliyinin rəsmi nümayəndəsi Hüseyn Kermanpur sosial şəbəkə hesabında məlumat verib. O bildirib ki, “60 azyaşlı uşaq həlak olub, 80-i xəsarət alıb”.
Hadisə İranın Körfəz sahilində, Bəndər Abbas limanı yaxınlığında qeydə alınıb. “Unikal”ın İRNA agentliyinə istinadən verdiyi xəbərə görə, Minab şəhəri ABŞ tərəfindən bombardmana məruz qalıb.
Məlumata əsasən, raket zərbələri nəticəsində ümumilikdə 40 nəfər ölüb, 48 nəfər isə müxtəlif dərəcəli bədən xəsarətləri alıb. Şəhər merinin sözlərinə görə, ibtidai məktəb də zərbəyə məruz qalıb və şagirdlər arasında ölənlər var. Ölən şagirdlərin dəqiq sayı hələlik açıqlanmayıb.
Hazırda hadisə yerində fövqəladə hallar üzrə komissiyanın əməkdaşları dağıntılar altında qalanların xilas edilməsi istiqamətində iş aparırlar. Qeyd olunub ki, sözügedən məktəbdə 170 şagird təhsil alır.
İran mətbuatının məlumatına görə, Bəndər Abbas limanında ölkənin dəniz nəqliyyatı üçün mühüm infrastruktur mövcuddur və hücumun əsas hədəfi də məhz bu obyektlər olub.
