USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
SEPAH müdafiə nazirinin həlak olduğunu rəsmən təsdiqlədi
İranın İslam İnqilabı Keşikçiləri Korpusu (SEPAH) ölkənin müdafiə naziri, general-leytenant Əziz Nəsirzadənin ABŞ və İsrailin zərbələri nəticəsində həlak olduğunu rəsmən təsdiqləyib.
İran dövlət mediasında yayımlanan bəyanatda qeyd olunur ki, “bu görkəmli müdafiə xadiminin şəhid olması silahlı qüvvələr və İran xalqı üçün ağır itkidir.”
Bəyanatda həmçinin vurğulanıb:
“General Nəsirzadənin ölümü İranın milli birliyini daha da gücləndirəcək, genişmiqyaslı müdafiə proqramlarının icrasını sürətləndirəcək və ölkənin ali milli maraqlarının qorunması istiqamətində strateji iradəsini dərinləşdirəcək.”
Qeyd edək ki, general-leytenant Əziz Nəsirzadə İranın hərbi-siyasi strukturlarında mühüm vəzifələrdə çalışmış, xüsusilə müdafiə sənayesinin inkişafında və strateji müdafiə planlarının hazırlanmasında əsas simalardan biri kimi tanınırdı.
SEPAH-ın açıqlaması ilə İran rəsmilərinin bu hücumlara cavab verməkdə daha qətiyyətli olacağı gözlənilir. Hazırda regionda gərginlik maksimum səviyyəyə çatıb.
