USD
1.7000
%0,47
EUR
2.0183
%0,47
GBR
2.3633
%0,47
RUB
0.0232
%0,47
TRY
0.2009
%0,47
AMEA-da rəhbər dəyişikliyi iddiaları: İsa Həbibbəylinin mümkün varisləri müzakirə olunur
Azərbaycan Milli Elmlər Akademiyasının (AMEA) prezidenti, akademik İsa Həbibbəylinin vəzifəsindən gedəcəyi ilə bağlı iddialar yenidən gündəmə gəlib.
Rəsmi təsdiqini tapmayan məlumatlara görə, AMEA-da rəhbərlik dəyişikliyi baş verəcəyi təqdirdə bir neçə tanınmış akademikin adı mümkün namizədlər sırasında çəkilir.
İddialara əsasən, potensial namizədlərdən biri akademik Arif Həşimovdur. O, 2022-ci ildə İsa Həbibbəyli AMEA prezidenti seçilənədək Akademiya prezidentinin səlahiyyətlərini icra edib. Uzun illər AMEA sistemində rəhbər vəzifələrdə çalışan Həşimov idarəçilik təcrübəsi ilə seçilir.
Adı hallanan digər namizəd akademik İbrahim Quliyevdir. Neft, geologiya və enerji sahəsində tanınan alim tətbiqi elmlə dövlət siyasəti arasında əlaqələrin gücləndirilməsi və elmi nəticələrin iqtisadiyyata inteqrasiyası istiqamətində fəaliyyəti ilə tanınır.
Mümkün namizədlər arasında akademik Gövhər Baxşəliyevanın da adı çəkilir. Uzun illər AMEA-da rəhbər vəzifələrdə çalışan alim Şərqşünaslıq sahəsində elmi fəaliyyəti, beynəlxalq əlaqələri və təşkilati təcrübəsi ilə tanınır.
Ekspertlərin fikrincə, AMEA-da rəhbərlik dəyişikliyi baş verərsə, yeni prezidentin müəyyənləşdirilməsində idarəçilik təcrübəsi, dövlətin elm siyasətinin həyata keçirilməsi, beynəlxalq elmi əməkdaşlıq, islahatların davam etdirilməsi, eləcə də innovasiya və rəqəmsallaşma istiqamətində baxışlar əsas meyarlardan olacaq.
Hazırda İsa Həbibbəylinin vəzifədən gedəcəyi ilə bağlı məlumat rəsmi qurumlar tərəfindən təsdiqlənməyib.
